تحية الى أرواح شهداء २५ يناير و تحية لشهداء مصر اللذين ثاروا و أسقطوا طاغوت العصر مبروك علينا كلنا
حكاية الثورة
ثورة شريفة و عظيمة قام بيها شباب مصر
علشان نقولها للعالم كلة أحنا بنحب مصر
و حتفضل ثورتنا حكاية تنتقل لكل الأجيال
و لكل الدول المجاورة و اللى تبعد عنا ألاف الأميال
أيوة أحنا بنحب مصر و أشهد يا زمان و سجل يا تاريخ
يوم 25يناير أعظم يوم فى التاريخ
قضينا على مبارك و أعوانه
اللى الظلم و القمع هما عنوانة
نفسنا ترجع مصر زى ما كانت و حترجع بدم الشهداء أفضل مما كانت
أطفال و شباب و نساء كلهم حماس و ولاء
قاموا و شاركوا بمظاهرات فى كل الأنحاء
و قالوها عالية بعلو صوتهم لا يا مبارك أمشى و سيبها
مش أنت لوحدك بس لا أنت و معاك كل اللى خاربها
عايزين مصر تبقى عظيمة مش كل أنجازتها فى الكورة و الفن و السيما
دى بقت حتى موضة قديمة مليناها و حنقولها بكل عزيمة
تحيا مصر تحيا مصر تحيا مصر
تحيا مصر كفاح و تاريخ فداها بدمة كل شهيد و جريح
مصر دايما ولادها رجالة و الكل عارف
بس أنت يا مبارك من أسرائيل و أمريكا دايما خايف
رضيتهم وكنت دايما فى خدمتهم و كل يوم تبوس جزمتهم
و أخرتها رحلت بس تلاقيك زعلان لأنك ملحقتش تبوس أيدهم
ليست هناك تعليقات:
إرسال تعليق